ТрансФорма го подготви Резимето на „Документот за политики за унапредување на правата на трансродовите луѓе во Северна Македонија“, кое на концизен начин ги претставува главните наоди, предизвици и приоритети за унапредување на правата и положбата на трансродовите луѓе во земјата.

Резимето ги опфаќа клучните прашања поврзани со безбедноста и дискриминацијата, правното признавање на родот, работничките и социјалните права, пристапот до здравствена заштита и потребата од зајакнување на ЛГБТИ заедницата и активизмот. Воедно, ги издвојува приоритетните области во кои се потребни промени на политиките и институционалните практики.

Документот е изработен во рамки на проектот „Зајакнување на отпорноста и безбедноста на транс заедницата преку следење на анти-родовите напади и соработка во движењето“, поддржан преку програмата EECA Trans Community Small Grants 2026 на TGEU (Trans Europe and Central Asia).

Авторка: Драгана Дрндаревска

Резимето е достапно во PDF формат и може да се преземе во целост подолу.